من اكثر الاعراض اللي يشتكون منها الناس ويخليهم يا يروحون المستوصف او الحوادث، الام الحلق والنشلة (الزكام). طبعا كل اللي يون حقي بالعيادة يطلبون مضاد حيوي، اقولهم هذا فيروس ما يقتنعون واذا ما عطيتهم يطلعون معصبين ويقولون هذا دكتور ما يفهم (الظاهر اهمه دارسين طب واهمه اللي فاهمين). في بريطانيا لو الواحد عنده عوار بلاعيم وراح الطبيب حتى بنادول ما يعطيه يقوله ارتاح واشرب سوائل. ما علينا من بريطانيا ونرجع حق حديثنا. الحين اكتشفوا ان مو كل نشله يايه من فيروس، ٢٠٪ من الناس اللي تحوشهم نشلة تحوشهم نفس الوقت من السنة يعني احتمال كبير انها تكون حساسية.
كيف تفرق بين الفيروس والحساسية؟
اعراض الفيروس تتطور ببطئ يعني تحس بتعب بسيط اول اليوم وفي اخر اليوم يزيد التعب وتعرف انك مريض. مع الفيروس في اعراض اكثر من بلاعيم او نشلة، مرات يكون فيه صداع و احساس في اللوعة سوائل الانف تكون عادة ملونه ويكون فيه حرارة والام في الجسم. وعادة تكون فترة المرض ما بين ٥ الى ١٠ ايام.
اما الحساسية فاعراضها تأتي بسرعة. ففجأه تجد انفك يحكك وتسيل منه السوائل. وبالعادة يكون في حكه في العين او الانف او البلعوم. والحساسية مثل ما تتطور بسرعة فأنها تذهب بسرعة.
النصيحة
عندما تحدث لك او لكي هذه الاعراض ركزوا هل أتت بسرعه ام لا، هل انتم ممن يعانون من الحساسية او عندكم في العائلة حساسية. اعطوا انفسكم فرصة قبل ذهابكم للمستوصف فقد يكون حساسية وتوفرون على انفسكم علاج لاتحتاجونه
الله يعطيك العافية يا دكتور على هالبوست
بس في عندي استفسار عن انسداد بالأنف و تسبب صداع بالراس
كان ودي اشرح لك الحاله من خلال box التعليق بس الشرح طويل
Could you contact me on my e-mail please
لأن جد عجزنا من مراجعة الاطباء نبي حل غير المضاد الحيوي ما في
Thanks a lot
عندي استفسار بسيط اذا امكن
مقاومتي للنشلة حيل ضعيفة و هذا الي اعاني منه بداومي كوني مدرسة روضة و بداية السنة يعادوني اليهال و تعبت من كثرة المضاد الحيوي هل اقد استخدم فيتامينات معينة ؟
لورا انا دزيتلج ايميلي
دندش انشاءالله في مقالتين بحطهم بالسايت قريبا الاولى عن الفيتامين والثانية عن الوقاية من المرض وراح يكونون قبل دوام المدارس باذن الله 🙂
انا الحين فيني نشله من يومين ، عندك مضاد حيوي ؟ لوووول
مشكور د. ضاري معلومات وايد حلوه ومفيدة وصج استغرب من الناس اللي يرحون حق الدكتور عشان الادوية مو عشان نصيحته .. شي غريب بالفعل .
لوووول.. واذا نصيحة الدكتور ما تماشت مع اهوائه يعصب ويبتدي يغلط